Teeb meem txog kev thauj thoob khib hnyiab

Tw ntawv ceeb toom

Tus saib xyuas thaj tsam sau thoob khib hnyiab yuav muab ib daim tw ntawv ceeb toom xiav khi rau koj lub thoob khib hnyiab, thoob tso khoom rov muab siv dua (recycling) lossis lwm lub thoob yog tias koj muab cov thoob no tso tawm tsis yog. Daim tw ntawv no yuav sau hnub tim uas pom muaj qhov teeb meem no thiab hnub kawg uas yog lub caij cia rau koj los tu kom tiav.

Yog tias koj tsis muaj tu ua ntej txog 6 teev sawv ntxov rau hnub tim kawg uas sau nyob rau tw ntawv xiav no, peb cov neeg ua haujlwm mam li yog tus los tu thiab yuav rub nqi rau koj them vim lawv yog tus los tu.

Thaum twg koj pom muaj daim tw ntawv xiav, peb kuj yuav xa ib tsab ntawv uas los ntawm US Postal Service (qhov chaw xav ntawv hauv Tebchaws Mekas) tuaj qhia koj paub txog hnub tim kawg uas koj yuav tau los tu qhov teeb meem ntawd.

Luag haujlwm los tu

Qhov chaw lawv tuaj thauj koj cov thoob khib hnyiab yuav yog nyob txoj kev qab tsib taug lossis ntawm ntug kev. Nws yog koj lub luag haujlwm los saib xyuas kom qhov chaw thauj khib hnyiab ntawd du lug. Qhov chaw no yog:

• Pib ntawm koj thaj av mus rau qab tsib taug lossis txoj kev
• Ntawm ib ncig tagnrho koj lub tsev thaj av
• Yog pib li 20 feet tom qab tsib taug lossis txoj kev mus rau tom qab vaj

Sijhawm thauj khib hnyiab

Cov thawv khib hnyiab thiab khoom loj yuav tsum muab tso ntawm txoj kev qab tsib taug lossis ntawm ntug kev sijhawm 6 teev sawv ntxov rau koj hnub thauj khib hnyiab.

Qhov chaw thauj khib hnyiab du lug thiab muab hnab tim khib hnyib

Txoj cai hauv zos tseev kom koj muab koj tej khib hnyiab tim hnab thiab tu thaj chaw rau thoob khib hnyiab kom du lug.

• Yuav tsum muab khib hnyiab ntim hnab
• Khaws tej khib hnyiab uas nyob ib ncig koj cov thoob rau khib hnyiab thiab li ntawm 20 feet ntawm txoj kev qab tsib taug lossis ntug kev

Cov khib hnyiab ntim tsis txaus

Koj cov thoob yuav tsum txaus ntim koj cov khib hnyiab txhua lub lim tiam. Yog tias koj pheej muaj khib hnyiab ntau tshaj li koj cov thoob ntim taus, hu peb los nqa ib lub thoob ntxiv tuaj rau koj. Tej zaum koj yuav muaj ob lub hnab lossis thawv khib hnyiab sab nraud nrog koj cov thoob los tsis ua cas.

• Cov khib hnyiab uas tsis pov hauv thoob yuav tsum muab ntim hnab lossis ntawv.
• Txhua hnab lossis thawv khib hnyiab sab nraud yuav tsum tsawg tshaj 40 phaus.

Koj nqa tau tej khib hnyiab lossis khoom tsim txuas tsev thiab pua kev uas ntim tsis tag tuaj tau rau peb lub chaw Transfer Station. Koj yuav tsum hu peb los thov daim ntawv tso cai nqa khib hnyiab tuaj ua ntej koj tuaj rau qhov chaw Transfer Station.

Thov daim ntawv nqa khib hnyiab ntim tsis tag tuaj pov tseg

Tej khoom txhaum cai tsis pub pov thoob khib hnyiab

Muaj tej khoom txwv tsis pub pov rau thoob nyob hauv koj lub thoob khib hnyiab lossis ntawm qhov char rau thoob. Peb tsis txais yuav tej khoom no nyob hauv koj lub thoob khib hnyiab lossis thoob tso khoom rov muab siv dua.

• Pob teeb (bulbs)
• Khoom tsim txuas vaj tse
• Tshuaj roj uas siv tag
• Cov thoob hlau ntim pa
• Roj tsheb
• Xim tha tsev
• Khoom dhos tsheb
• Av/ av mos/ pob zeb
• Av ci pua kev

Nyeem peb daim ntawv Disposal Guide seb yuav muab cov khoom no pov tseg rau qhov twg

Kev muab nplooj nyom pov tseg tsis yog

Txwv tsis pub muab nplooj nyom pov tseg rau cov thoob khib hnyiab uas City thauj tuaj.

• Cov nplooj nyom yuav tsum muab ntim cov hnav ntawv lossis cov hnab ntim nplooj qhuav lossis cov hnab uas txawj yaj (BPI certified).
• Cov ceg ntoo thiab hmab uas txiav tawm yuav tsum dav li 3 inch thiab ntev li 3 inch thiab muab hlua khi.
• Cov thoob uas rov siv tau yuav tsum yog 32-38 nkas loos thiab siab txog 26-32 inch thiab muaj cov tes uas khov.
• Txhua hnab khoom, hnab khoom khi thiab cov thoob uas rov siv tau yuav tsum tsis pub tshaj 40 phaus thaum puv.
• Tsis txais yuav cov nyom puab tej daim thiab tsis yuav av.
• Tsuas tuaj thauj cov nplooj nyom no rau lub caij thauj nplooj nyom xwb.

Mus kawm paub ntxiv txog kev tuaj thauj nplooj nyom pov tseg

Cov thoob hnyav tshaj li tsim nyog

Txhua lub thoob yuav tsum tsis pub hnyav tshaj 200 phaus.

Cov tsheb thauj thoob khib hnyiab nqa tsis tau cov thoob hnyav tshaj 200 phaus. Koj yuav tau muab koj ib txhia khib hnyiab thau los ntim dua ib lub hnab lossis ib lub thoob es lawv thiaj li tuaj thauj tau.

Nyeem peb daim ntawv Disposal Guide seb yuav muab cov khoom no pov tseg rau qhov twg

Cov khoom loj

Tsuas pub thauj ob (2) yam khoom loj rau sijhawm tuaj thauj khib hnyiab xwb. Cov khoom loj uas rov muab siv tau tsuas pub tso tawm rau lub as thiv tuaj thauj khoom rov siv dua xwb.

• Hnub thauj khib hnyiab: cov khoom muaj xws li: ntoo rooj tog zaum
• Lub as thiv thauj khoom rov siv dua (recycling week): cov khoom muaj xws li: tej qhov cub, tej twj electronics, txaj pw, thiab hlau.
  • Ntawm koj cov tub yees, koj yuav tsum muab lub qhov rooj hle tawm.
  • Koj yuav tsum muab cov av ci nplaum ntawm tej kav pipe thiab ncej hlau pov tseg.

Kawm ntxiv txog kev pov cov khoom loj pov tseg li cas

Muab kas pev pua tsev dov thiab khi

Yuav tsum muab cov kas pev pua tsev dov thiab khi.

Thooj kas pev no yuav tsum:

• Ntev tsawg tshaj 5 feet
• Dav tsawg tshaj 12 inch
• Tsis pub hnyav dhau 40 phaus
• Muab hlua khi

Tsis thauj log tsheb

Peb tsis thauj log tsheb.

Hu peb lub chaw ua haujlwm los thov daim ntawv nqa tau log tsheb tuaj pov tseg rau qhov chaw Transfer Station. Yuav tsis raug them nqi dabtsi yog koj siv daim ntawv no.

Thov ib daim ntawv pov khib hnyiab

Kev siv City txoj kev thauj khib hnyiab yam tsis raug cai

City txoj kev tuaj thauj khib hnyiab tsuas yog thauj koj cov khib hnyiab ntawm koj tsev xwb. Peb yuav xa ib tsab ntawv tuaj qhia koj paub yog peb xoom xaim tias koj siv City txoj kev thauj khib hnyiab tsis raug cai. Piv txwv li:

• Muab lwm tus cov khib hnyiab los rau koj lub thoob
• Siv koj cov thoob rau tej khib nyiab uas los ntawm ib lub lag luam los